Isang kakaibang kaba ang kaagad na naramdaman ni Astrid nang dumako ang paningin n'ya sa ibabaw ng lamesa. Kabisado n'ya ang mga bagay kapag iniiwanan n'ya ang mga iyon. Nilapitan n'ya ang libro at dinampot n'ya iyon. Naningkit ang mga mata n'ya dahil wala na roon ang litrato na nakaipit doon kanina lang. Kaagad s'yang tumawag sa radyo n'ya sa bantay na nasa labas ngunit hindi ito sumasagot.
Lumabas kaagad s'ya ng opisinang iyon at patakbong tinungo ang bintana kung saan ay tanaw ang kabuuan ng buong lugar na iyon sa baba. May nakita s'yang sasakyan na kulay itim ang kaaalis lang at nagmula iyon sa direksyon dito. Sinulyapan n'ya ang relo at alas onse pa lang ng gabi. Mga ganoong oras ay wala na masyadong nagdaraan na mga sasakyan sa lugar na iyon. Located ang main office nila sa main ro
