Nanlaki ang mga mata ko sa gulat, dahil sa kanyang sinabi. Halos hindi ako makakilos sa kinatatayuan ko.
"Alam kong nakakabigla ito para saiyo, ngunit iyon ang totoo, Khendrey. Kayo ni Heart ay nakatadhanang maging bagong tagapagmana nang makapangyarihan pixie dust. Taglay niyo na ito, simula pa noon at nasisiguro ako na naramdaman mo ito noong ika-18 kaarawan mo. Hindi mo na mababago ang nakatadahana saiyo ni Heart," seryoso niyang sabi sa akin habang hindi pa rin ako makapaniwala sa kanyang mga sinabi.
Nasandal ako sa gilid at dahan-dahang napaupo. Hindi maalis sa isip ko na nakatadhana kami ni Heart, tulad nang sabi niya. Napansin kong naglakad siya palapit sa akin at hinawakan ako sa balikat.
"Hindi kita mamadaliin sa magiging desisyon mo. Isasama lang namin kayo ni Heart, kung kail
