Isang matinis na tili ang nagpabalikwas sa mahimbing na tulog ni Klaus.
Agad na sinuyod ng mapupungay niyang mga mata ang buong silid upang hanapin ang babaeng lagi niyang gustong unang makita tuwing umaga.
Nangunot ang noo niya nang di makita sa paligid si Kofie.
Ang kanyang asawa.
Isang matamis na ngiti ang di niya mapigilang mamutawi sa mapupula niyang mga labi tuwing naalalang limang taon na pala mula nung ikinasal sila.
At sa loob ng limang taong iyon ay walang mapaglagyan ng kasiyahang tinatamasa ng buo nilang pamilya.
"Oh my Gosh! Dee, why are you so cheeseeey!" muli ay isang maarteng tili na naman ang narinig niya.
Ang tiling nagmumula sa isa pang laging bumubuo ng umaga niya at ang lalong nagpapatibay sa pamilyang binuo nila.
Ang pinaka-baby ng pamilya at pinakakwela, si
