MIKA’S POV
Medyo nakalayo-layo na rin kami sa paglalakad at bilang na lang ang tao na nasa paligid kaya’t binitawan ko na ang kamay ni Vince.
Matapos ang ilang segundo ay naramdaman kong muli ang init ng kaniyang mga palad na siya kong ikinagulat. Napatitig ako sa kaniya habang siya naman ay nakapako lamang ang tingin sa harapan.
“What’s with the kiss?” biglang lingon niya.
Sandaling nagtama ang aming mga mata na agad ko ring sinundan ng pagiwas ng tingin, ewan ko ba pero hindi ko na siya magawang titigan pa sa mata.
“Wala yon.” bulong ko, pakunwaring nakatingin pa rin sa mga punong nasa aking tagiliran.
Umiling siya, “I doubt it.”
“Anong ibig mong sabihin? Hoy! Hindi kita gustong halikan for your information.” sabi ko sabay irap.
Napatawa siya ng bahagya, “I didn’t say anyt
