Xiel P.o.v.
"Dre, susunduin mo si Jewel?" tanong ni Pat. Kakatapos lang ng klase namin. Hindi kasi ako mapakali kanina pa. Gusto kong makita si Wel.
"Oo. Diretso na ako sa school nila. Hihintayin ko na lang siya after ng class niya," sabi ko pa habang inaayos ang bitbitin ko.
"Ayieee! miss mo? miss ka ba?" buska pa nito. Sinamaan ko naman siya ng tingin.
Mabilis naman dumapo ang malapad kong kamay sa braso nito. Isang malakas na hampas ang tinamo niya.
"Aray! ito naman 'di mabiro. Ba't ang pikon mo?" reklamo niya. Inirapan ko pa nga.
"Hindi ako pikon. Pasmado lang talaga 'yang bibig mo," angil ko sa kanya.
Bumulong-bulong naman siya habang himas-himas ang brasong hinampas ko.
"Samahan mo muna akong bumili ng pagkain." Yaya ko dito sa kasama ko. Lumapad naman agad ang ngiti niya n
