Maagang bumyahe sina Edward at Michelle kasama ang anak nitong si Mark isang araw bago ang kaarawan ng ina. Halos araw-araw ay nakakapag-usap sila ni Clarissa at nabanggit nitong tumutulong si Alexa sa preparasyon na ikinagulat niya. Hindi niya alam kung ano ang pakay nito pero hindi niya gustong makadaupang-palad itong muli. Not that he hated her – ayaw lang niyang muling mahalin ito at masaktan katulad ng dati. He could love her to destruction that he could not control himself anymore.
Tatlong oras bago nila narating ang bayan ng Sta. Cruz at tuwang-tuwa ang Inay at Itay niya sa pagbabalik niya. Naroon din si Clarissa na agad sinalubong si Michelle at nakipag-kwentuhan.
“Mabuti at pumayag si Michelle at si Mark na isama mo dito,” tanong ng ina nang sundan siya sa silid.
