“Hindi kaba talaga sasama sa akin pauwi?” tanong ni Clarissa kay Edward habang nag-eempake ito ng damit. Marahan siyang umiling.
“Sa susunod na buwan pa ang dating ng papalit sa akin dito sa opisina. Ikumusta mo na lang ako kina Inay at Itay,”sagot niya. Makalipas naman ang ilang sandali ay dumating na ang maghahatid dito sa terminal ng bus pauwi sa bayan nila. Humalik siya sa pisngi ng dalaga bago niya binuhat ang maleta nito sa trisekel. Nang makaalis ang mga ito’y muli siyang pumasok sa bahay.
Dalawang taon na mula nang tinanggap niya ang alok ng DENR bilang Community Environment and Natural Resources Officer na ang opisina ay nasa malayong bayan mula sa Santa Cruz. Ito ang naisip niyang paraan para lumayo at makalimot sa sakit na idinulot ng pag-ibig niya kay Alexa. Hind
