Pagkatapos namin na makakain ni Apollo ay nagpalipas muna kami ng oras sa panunuod ng telebisyon sa sala. Bale nakaupo ako sa sofa habang si Apollo naman ay nakahiga ang ulo sa aking hita at kanina pa pinaglalaruan ang aking kamay.
"Apollo, hindi ka ba muna uuwi sa inyo?" takang tanong ko sa kanya dahil tila wala itong balak na umalis.
Iniling naman agad ni Apollo ang ulo niya at parang bata na yumakap sa aking bewang na tila ba ayaw humiwalay sa akin.
"Nah. Dito lang ako. Alam ko naman na alam nila na nandito ako. Tsaka suportado pa nga nila kung dito na ako na tumira magmula ngayon," nakangising pagsagot naman ni Apollo, "Mga excited naman din ang mga iyon na magka-apo na."
Agarang nanlaki ang mga mata ko at malakas na hinataw si Apollo sa kanyang balikat para patigilin sa kalokohan
