"Yes! Naka-uno na ako! Bwahahaha! Paano ba iyan?! Naiwan na naman kayo riyan!" malakas na paghalakhak ni Vulcan pagkatapos na maibaba ang last card na hawak hawak niya.
Humaba naman ang nguso ko dahil hindi ko alam kung ilang round na yata ng laro ang ginawa namin dito.
Nang matapos kasi ako kumain ay bigla naman niyaya ako ng mga ito na maglaro ng Uno cards. Kahit pa pilit na sila tinataboy ni Sir Apollo na umalis ng ospital.
Ano pa nga ba ang aasahan sa mapang-asar na ugali nila?
Malamang mananatili pa lalo ang mga ito para lalong asarin si Sir Apollo na hindi magawang makaalis sa kanyang kinahihigaan.
Nang una, siyempre agarang tumanggi ako na sumali sa kanilang balak na maglaro roon. Dahil unang una nasa ospital kami at kailangan ko rin asikasuhin si Sir Apollo na siyang binaban
