Chapter 28 - Shaun
"Hey!" Ibinaba ko ang hawak kong baso ng tubig nang marinig ang boses ni Shaun. Hindi naman niya ako sinigawan kaya hindi na ako nagulat. Tinawag niya lang talaga ang atensyon ko.
"Hey," bati ko pabalik.
Okay, aaminin kong naiilang ako. Hindi pa naman kami nakapag-uusap nang kami lang na dalawa. Wala nga yata akong maalalang nag-usap kami kahit simpleng hi at hello lang.
Simula kasi nang dito sila tumira sa bahay ay madalang na akong umuwi, tapos umalis pa ako. Hindi naman sa ayaw ko sa kaniya pero ang hirap lang kasing mag-adjust na mayroon akong kasamang iba sa bahay maliban kina Papa at kay Kuya. Hindi naman kasi ako palakaibigan o palakwento.
"Pwede ba kitang makausap?" tanong niya.
Ayon sa pagkamot niya ng batok niya, alam kong hindi rin siya komportableng mak
