Chapter 58
CLARISSE’S
“Naroon po sa living room si Donya Solidad, Mam Clarisse,” paalala na lang sa akin ng katulong na papasok ito mula sa kusina.
“Maraming salamat.” Iyan na lang ang sinagot ko sabay pakawala ng matamis na ngiti sa labi.
Dali-dali na kinuha ko na ang kanina ko pang hinanda para sa meryenda, at binitbit na ang tray laman ng pagkain na chocolate cake at tsa-a na ako mismo ang gumawa. Tinahak ko na ang daan palabas patungo sa kinaroroonan ni Donya Solidad para humingi ng dispensa kung ano man ang nangyari kagabi.
Alam kong galit siya akin, at hindi niya nagustuhan kong ano man ang mga nangyari. Kahit na rin ako, hindi ko pa rin alam kung bakit nagkaganun ang niluto ko. Imbes mapala lapit at mapalagay ako sa Donya kagaya ng gusto kong mangyari, heto’t kailangan kung gum
