PAGPASOK ni Aria sa kanilang kwarto ay pakiramdam niya ay para siyang kandilang nauupos, dahil anumang sandali ay pakiramdam din niya ay babagsak ang katawan niya. Halos mabibigat din ang mga hakbang niya ng maglakad siya palapit sa kama. Bagsak din ang balikat ng maupo siya sa gilid ng kama.
She feels sorry with her twins. Hindi kasi natuloy ang pamamasyal nila sa Mall dahil sa kanya. Nawalan kasi siya ng gana na pumunta ng Mall nang makita niya si Sanya kanina sa Simbahan. Hindi naman niya sukat akalain na makikita niya ito do'n. Hindi din niya alam kung bakit ito naroon sa lugar kung nasaan siya.
Dahil sa nangyari sa nakaraan ay pinutol na din niya ang ugnayan niya dito. Isa din kasi ito sa mga dahilan kung bakit siya nagdudusa ngayon. Isa ito sa dahilan kung bakit nagpakalayo siya.
