PAGKAHATID ng asawa sa kanya sa Pet Clinic niya ay agad na dumiretso si Aria sa opisina niya. At pagkaupo sa swivel chair niya sa harap ng mesa ay agad niyang kinuha ang cellphone sa loob ng kanyang bag para tawagan ang kaibigan niyang si Kyla. Magpapasama kasi siya dito na pumunta ng OB Gyne para magpa-check up. Gusto kasi niyang makasiguro na buntis siya para hindi siya ma-praning. Gaya na lang kanina noong nasa bahay siya, talagang nag-iingat siyang mabuti. Kahit nga noong inihahatid na siya ng asawa, binilinan niya ito na huwag itong mabilis sa pagda-drive. Hindi naman nagtanong ang asawa, pero sinunod naman nito ang bilin niya. Gusto kasi niyang safe siya para safe din ang baby niya kung talagang buntis siya.
Agad namang idinial ni Aria ang numero ni Kyla. Naka-tatlong ring bago nama
