“I MISSED HIM,” naiiyak na ungol ni Angel habang nakasubsob ang mukha sa throw pillow. Nakadapa siya sa sofa, dapat masaya kasi graduation na niya bukas pero heto siya sa apartment at nagmumukmok.
“Ugh. Tigilan mo nga ‘yan. Para kang naka-drugs na nag-wi-withdrawal,” disgusted na sabi ni Grace. Binato siya ng unan.
Lumingon siya sa kaibigan niya na nakaupo sa one-seater couch, nakataas ang mga paa at halos makita na niya ang singit sa iksi ng shorts. Palagi niya ito sinasabihan na habaan naman ng konti ang suot pero hindi ito nakikinig.
“Eh sa na-mi-miss ko siya eh. Sabi niya tatawag siya sa akin araw-araw pero mula kahapon wala pa ako natatanggap kahit text lang mula sa kaniya. Na-te-tempt na akong mauna tumawag.”
