DIYOSA POV
Kung may Olympics lang talaga para sa pagkain, sigurado akong may gold medal na ako ngayon.
At kung may category naman na pinakamalditang comment habang kumakain, si Evan ang sure winner.
“DIYOSA.”
“Ano?” sagot ko habang isinusubo ang huling piraso ng chicken.
“Pang-apat mo na ‘yan.”
“So?” tinaasan ko siya ng kilay. “Gutom ako.”
“Hindi ka gutom,” sagot niya, seryoso ang mukha. “Matakaw ka.”
Napatigil ako sa pagnguya.
Inulit ko, dahan-dahan. “Ano’ng sabi mo?”
“Patay-gutom,” diretsahan niyang sabi sabay turo sa mga empty na lalagyan sa mesa. “Lahat ‘yan, naubos mo.”
Tinignan ko ang mesa.
Okay… medyo marami nga.
May dalawang empty cup ng ramen, tatlong stick ng barbecue, isang malaking tray ng fried chicken (na dati’y puno), dalawang kanin, at isang coke na kalahati pa
