“NASAAN si Elsa?” nagmamadaling tanong ni Temyong sa mga lalaking nagsusugal sa sala.
“Boss, nasa kwarto na yata. Maagang kumain ‘yon, eh. Hindi niya na yata hinintay si Nyel,” tugon ng isa sa mga ito.
“Talagang hindi niya na dapat pang hintayin si Nyel dahil pinatay ko na ang kapatid niya!” sigaw niya at saka huminto sa pagsusugal ang mga ito. “Makinig kayo sa akin…” Tumayo siya ng tuwid at namewang. Isa-isa niyang tinitigan ang mga ito. “…kung gagaguhin n’yo ako at magsisinungaling kayo sa akin, galingan n’yo! Akala siguro ni Nyel, hindi ko malalaman ang katarantaduhang ginagawa niya.
“Kung isisikreto n’yo sa akin na nahanap n’yo na si Bettina o si Aia, mabuti pang magbigti na kayo agad-agad para hindi na ako magsayang ng lakas na patayin kayong lahat. Kayo na lang ang pum
