MAAGANG naayos ang pag-alis ni Gaia sa ospital sa tulong ni Lucas. Tatlo na lamang sila nang lisanin ang lugar dahil nagsipag-uwian na muna ang iba upang magbihis. Tumama sa babae ang mainit na sikat ng araw na napakapamilyar sa kanya dahi kasa-kasama niya ito sa araw-araw kapag nagpapainit sila ng ama.
Napalunok siya. Hindi niya gusto ang maagang pag-iyak ngunit hindi niya lang mapigilan ang malungkot. Wala pang isang linggo silang nagkakasama ng ama sa iisang bubong kaya hindi niya maiwasang magdamdam.
“Gaia, kakain muna tayo bago pumunta ng crematory, ha?”
Tumango lang siya sa sinabi ni Tristan at sumandal sa inuupuan. Ayaw niya munang magsalita. Napakarami niyang iniisip. Hindi niya alam kung paano matatapos ang araw na ito kapag nailibing na ang kanyang ama.
Nagkatinginan na l
