DALAWANG araw na ang nakalipas ngunit hindi pa rin bumabalik sina Boy sa bahay ni Temyong kaya galit na galit ang lalaki. Sa pag-aakala niyang baka nainis ito sa ginawa niya, pinabayaan niya ang isang buong araw na hindi sila tinatawagan o hinahanap man lang kahit saan.
Ngunit ngayong ilang araw na ang nakalipas at ni anino nila ay hindi niya mahagilap, nakaramdam siya ng pangamba. Baka malaman ni Steve ang tunay na nangyari kaya hanggang ngayon ay hinahanap niya ito sa tulong ng bagong grupo niyang tutulong sa kanya upang makuha sina Bettina at Aia.
Hindi man naging matagumpay ang pagkuha nito sa anak-anakan, sisiguraduhin niyang makukuha niya si Bettina sa kahit na anong paraan.
“Ano, nahanap n’yo na ba kung nasaan sina Boy?” tanong nito. Narito sila ngayon sa bahay ng lalaki kasam
