Nanami Yoshino (Umi Weiya)
Ilang araw na mula nang malaman ni Katana ang tungkol sa amin.
At mula noon ay nagsimula na kaming mag-usap ng mga bagay-bagay.
Medyo may kahirapan nga lang dahil kailangan kong kontrolin ang isang parte lang ng katawan niya nang sa gayon ay manatili siyang gising.
Kaya kinokontrol ko lang ang kanyang kanang kamay at ang bawat sagot ko sa mga tanong niya at isinusulat ko na lang sa mga papel.
At isa sa napagkasunduan namin ay ang pagkakaroon ng schedule sa kung sino ang dapat gumamit ng katawan.
Though, sinabi ko naman sa kanya na hindi na namin kailangan iyon.
Willing naman akong lumabas lang kapag kailangan pero siya itong nag-insist sa akin sa ganoong set up dahil gusto daw niyang bigyan din ako ng sarili kong buhay kahit pa sandaling oras o araw lang.
