Isang malakas na katok sa aking pinto at ang boses ni Dakila ang narinig ko, maya-maya nang pinaalis ko ang aking kapatid. Hanggang ngayon naiinis pa rin ako dahil hindi man lang niya sinabi sa akin ang mga plano niya bago siya pumirma sa kontrata! Hindi ko rin maintindihan kung bakit ginawa niya ito? Kung bakit gustong-gusto niyang maging model, eh, wala siyang nababanggit sa amin. Ang alam ko masaya na siya sa buhay sa probinsya, simpleng buhay lang na kahit may pinagdadaanan ang aming pamilya, sama-sama pa rin kami. Ngayon na nandito na siya sa lungsod, ibang-iba na siya at gumagawa na ng mga bagay na hindi ko akalain na magagawa niya. No’ng una hindi niya sinabi sa akin na muntik na siyang mapahamak dahil sa pagsugod ng mga pulis sa mansion. Mabuti na lang at nandoon si Dakila para ipa
