Tatlong araw na halos ang lumipas mula nang makarating sila sa Pilipinas ay hindi pa rin nagawang ipaalam ni Izzy sa kanyang tiyohin na naroon na siya.
Ni hindi niya pa nga rin nagawang mag pakita man lang sa tenement. Binigyan rin naman silang dalawa ni Miya ng ilang araw na pahinga bago sumabak sa trabaho. At dahil ang kanilang kumpanya mismo sa New York ang nag patapon sa kanila sa Pilipinas ay sinagot na rin ng kumpanya ang titirhan nila ni Miya, sa isang condominium sa Makati sila tutuloy habang naroon sila.
Sa kasamaang palad ay dito na rin matatapos ang kanyang kontrata sa kompanya.
Sa halos tatlong araw nila doon ay ginugol lamang ni Izzy ang mga oras sa pag aayos ng sariling unit, ganoon rin naman siguro si Miya, halos magkatabi lang naman din kasi ang unit nilang dalawa, nag
