Hindi malaman ni Izzy kung ilang oras na nga ba niyang ikinukulong ang sarili sa loob ng silid na naka assign sa kanya sa rest house na iyon. Ni hindi niya na nga rin maalala kung paano siyang naka alis sa kwarto ni Seth Santiago kanina, basta't ang alam niya lamang ay hindi umalis doon ang tatlong kasamahan nila sa trabaho.
Hindi naman masisi ni Izzy ang mga ito, malamang sa hindi ay nagulat ang mga ito nang makita siya doon, idagdag pang sigurado siya na kung ano-ano na ang mga pinag iisip ng mga ito sa kung anoman ang ginagawa nila ni Seth sa kwartong iyon kanina, basta't sigurado siyang kung ano man ang nasa isip ng mga ito ay hindi iyon maganda, lalo at nakita ng mga ito ang ayos ni Seth sa likod niya kanina, dahil na rin sa mga nanlalaking mga mata nito habang salitan ang gula na ti
