CHAPTER 31
Matapos ang hindi magandang pangyayari ay Ilang araw ring nasa ospital si Isla upang magpagaling. Nakagagalaw naman siya nang maayos ngayon at maayos na rin ang kanyang pakiramdam. Ngayong araw ang uwi niya at bumisita na rin sa kanya ang kanyang anak na si Snow.
"Hello, baby girl!" nakangiting sambit niya rito nang pumasok ang kanyang biyenan habang karga-karga ang kanyang anak.
"How are you anak?" tanong ng ginang sa kanya nang makalapit ito.
"Ayos na po ako, Ma. Kamusta si Snow?" tanong niya rito.
"She's fine. Hinahanap ka niya palagi."
"Did you miss me, baby?" baling niyang tanong sa anak na nakatunghay sa kanya habang nakangiti. Tumango ito bago inabot ang kanyang kamay dahil gusto nitong magpabuhat.
"I can't carry you for now," malungkot na saad ni Isla sa anak.
