LIMANG minuto na siguro ang nakakalipas simula nang umalis ang sasakyan ni Messiah ay narito pa rin ako sa labas ng bahay. Tinatanaw ang daan na wari'y naroon pa rin ang sasakyan niya.
"Anak, ano pang ginagawa mo r'yan? Ba't hindi ka pa pumapasok?"
Lumapit sa tabi ko si Nanay at sinundan ng tingin ang tinitingnan ko. "May naghatid ba sa 'yo rito? May narinig akong ugong ng sasakyan. Sa susunod, patuluyin mo sa loob para makilala ko at mapasalamatan."
Tumango ako. "Sige po."
MADALING ARAW na ngunit hindi pa rin ako dinadalaw ng antok. Hindi ko magawang makatulog at pabaling-baling na ako sa aking higaan ngunit wala talaga.
Bumangon ako at inabot ang aking cell phone. Sakto namang tumunog ito. Nanlaki pa ang aking mga mata nang rumehistro ang pangalan ni Messiah dito.
Nagdadalawang i
