JAKE POV
LAST DAY na niya sa Hawaii. Di naman siya baliw para sumama sa honeymoon ng kaibigan niya na si Morales at ng asawa nito na si Ellie. Tutal, nauna na rin umalis sina Garcia, Sarmiento, Rebato, at Cooper kasama ang mga asawa ng mga ito maging ang ibang bisita, kapamilya at mga kaibigan ng bride.
Nahuli lang siya dahil ayaw niyang makisabay sa mga kaibigan. Sa katanuyan, nagbabalak siyang magpunta at mag ikot ikot sa Honolulu, Hawaii bago lumipad palabalik ng Pilipinas.
Paglabas niya sa hotel room, may pasuray suray na babae sa hallway. Naglalakad ito palapit sa kanya. Kumunot ang noo niya, halatang lasing ang babae. Maikli at hapit sa katawan nito ang suot na halter dress. Maputi ang babae, mahaba hanggang balikat ang buhok nito. Tingin niya nasa 40's ang babae at mukhang Pinay.
