"Oy, Leigh, kumusta ka na?" ang masayang bati sa kaniya ni Sally ang babaeng kaopisina niya na medyo malapit sa kaniya.
Natigil ang pagtinginan nina Amberleigh at Nixon dahil na-interrupt ang atensyon nila nang dumugin si Amberleigh ng kaniyang mga kasamahang babae maliban sa bading na si Cristobal na pinaiikot lang ang kaniyang eyeballs dahil may ginagawa pa ito sa xerox machine na hindi niya maiwan.
"A-Ayos naman ako. Kayo, kumusta na kayo rito?" tugon naman ni Amberleigh sa mga ito.
"Nalungkot kami no'ng wala ka." Nag-sad face pa ito. Si Yza na mala-drama rin kung minsan.
"Oo nga. Nadagdagan ang trabaho namin, palagi kaming in-overtime. Kainis!" pagmumura ni Sheena.
"Ang sabihin mo, tamad ka lang!" sabat naman ng bading na si Cris. Lumapit na sa kanila ito hawak-hawak pa rin sa kam
