"Nililigawan ba ni Levi ang pinsan mong si Feriana?" bigla ay naitanong ni Jarred habang nagmamaneho siya. Hindi ko alam kung saan niya nakuha ang ideyang yun pero sa tingin ko rin ay ganun na nga.
"Hindi ko pa alam, Jarred. At kung nililigawan man niya si Feriana, wala naman akong tutol dun dahil hiwalay naman na kami--"
"Okay lang sa'yo?"
"Bakit naman hindi?" Saad ko ngunit sa sarili ko ay syempre, hindi. Ang gusto ko, bago maging sila ng tuluyan ay magkausap muna kaming dalawa at itanong kung bakit sa kabila ng lahat ay bigla niya akong inabandona.
Hindi na nagsalita pa si Jarred at nagmaneho na lang ng sasakyan niya.
"Susunduin ulit kita mamaya para ihatid sa trabaho mo," sabi pa niya ng makarating na kami sa tapat ng gate ng eskwelahan.
"Wala ka bang ibang gagawin? Baka nam
