My head is getting heavier. Parang nawawala na ang epekto ng bioflu na ipinainom sa akin ni Magnus kanina. Akala ko'y bubuti na ang pakiramdam ko kapag nakatulog at nakainom na ng gamot ngunit parang mas lumala pa ang sakit na nararamdaman ko. Parang pinipiga ang utak ko. Nanginginig din ang buong katawan ko at sumasakit ang mga kalamnan ko. Madilim na sa labas.
Akma akong tatayo para lumabas nang bumukas ang pinto at sumindi ang ilaw. Si Magnus, nakahawak ng tray na may lamang pagkain at tubig. Umuusok pa ang dala niyang ulam na nakalagay sa bowl. Amoy sinigang na baboy. Walang imik siyang naglakad palapit sa akin at saka inilapag ang dala sa side table.
Napatingin ako sa pagkaing dala niya. Sinigang na baboy nga iyon, kanin at saging. May isang basong tubig din at gatas sa tabi at is
