"Ano'ng nangyari?!" sigaw niya sa mga kawani sabay baling ng tingin sa mga 'to. Parang isang mabangis na leon ngayon si Arthur, galit na galit siya sa kanyang nadatnan. Agad naman na lumipat ang tingin ng mga kawani sa taong nasa taas, si Scarlett kaya napabaling din ang atensyon ni Arthur sa kanya.
Nang makita siya ni Arthur, lalong nanlisik ang mga mata niya. Galit lamang ang naramdaman niya nang makita si Scarlett, dahil kahit pa hindi pa niya alam ang totoong nangyari sa asawa ay alam na niyang may kinalaman si Scarlett doon at siya ang may kasalanan no'n.
"Ano'ng ginawa mo?!" halos dumagundong sa buong mansion ang galit na sigaw ni Arthur. Halos mapaigtad si Scarlett dahil sa nakikita niyang bagsik kay Arthur. Napalunok siya at natakot dahil alam na niyang sigurado si Arthur na siy
