NANINGKIT ang mga mata ni Gregory sa sinabing iyon ni Sabrina. ''You love me still but you cannot marry me? Dahil ba kay Kelvin?'' tuluyan nang napuno ng galit ang anyo nito pagkabanggit sa pangalan ni Kelvin.
Malambing na pinindot ni Sabrina ang ilong nito at pagkatapos ay hinalikan ito sa labi ng ubod tamis. ''Ang alat na ng labi mo… Basang basa pa ang t-shirt mo ng pawis. Wala ka bang dalang face towel diyan?''
Never pa siyang naging insecure sa kahit sino sa buong buhay niya ngayon lang. ''Hindi ako kasing bango ng mestisong hilaw na boyfriend mo na pabango yata ang ipinapaligo. Araw-araw ay madalas na pawisan ako dahil sa trabaho dito sa racho at---'' hindi naituloy ni Gregory ang sinasabi dahil kumapit ulit si Sabrina sa leeg niya at pinutol ang sinasabi niya ng matatatmis na halik
