Chapter 55
“Mukhang masaya ang gising niyong dalawa,” puna ng mommy nila kina Lily at Hunter nang maupo na sila sa upuan dahil sabay-sabay sila ulit manananghalian.
“Masaya po talaga at masarap din po ang aking agahan kanina,” nakangsi na sabi ni Hunter kaya naman pinanlakihan naman siya ng tingin ni Lily saka siya nito palihim na kinurot sa kanyang tagiliran.
“Mabuti naman kung gano’n,” natatawang sagot ng mommy nila dahil naiintindihan nito kung ano ang ibig sabihin ni Hunter. Nagkatinginan naman ang magulang ni Lily saka sila napangiti sa isa’t isa. Habang si Hunter ay nakangiti na nakatingin kay Lily dahil natutuwa ito sa pang-aasar sa kanya.
“Mabuti at nakikita ko na maayos ang inyong pagsasama. Hangad ko na pangmatagalan ang inyong kasiyahan,” nakangiti na sabi ng Lola Emilia nil
