Chapter 49
“May problema ba Lily?” bulong na tanong ni Hunter habang nakahawak siya sa nanginginig na kamay ni Lily. Hinawakan niya iyon upang itago sa magulang niya lalo na sa kakambal niyang si Daisy.
“W-wala naman, huwag mo na ako intindihin,” sabi ni Lily saka niya kinalma ang kanyang sarili isa pa ay hindi na niya gusto na mag-alala pa sa kanya si Hunter.
“Ang sweet niyo naman. Kung ganyan kayo araw-araw baka maumay kayo sa isa’t isa niyan,” nakangisi na sabi ni Daisy na tila nang-aasar siya lalo na sa mga tinginan niya.
“Daisy!” saway ulit ng kanilang mommy sa kanila.
“Don’t get me wrong concern lang naman ako sa inyong dalawa. Baka kasi maghiwalay kayo agad sayang naman dahil kakasal niyo pa lang,” nakangiti na sabi ni Daisy habang nakatingin kina Hunter at Lily na kumakain na
