"Ano kaya nangyayari kay Sir? Lagi nalang masungit!" tanong sa 'kin ni Reena isang araw.
"Kaya nga mag-ingat ka. Ayusin mo ang trabaho mo at baka ma-kick out ka bigla!" sabi ko naman sa kanya.
Parang may mens si Sir. Napaka-iritable at napakamainitin ng ulo. Ewan ko kung anong problema niya. Siguro, matagal na siyang may problema, kaya gano'n din siya sa 'kin kasungit mula no'ng mga nakaraang araw na ayaw niya akong payagang lumabas. Ah, basta ako, magtatrabaho na lang!
Palagi na lang nakabusangot si Sir Ken. Parang pasan na niya ang daigdig. Palaging pabulyaw kapag kausapin ang mga tauhan niya. Lumalala na yata ang tama sa utak. Gano'n siya eh, may saltik talaga!
Ngumunguya ako ng bubble gum habang pababa ng hagdan nang marinig kong nag-uusap si Sir at si Miss Irene. Huminto ako para
