KAKAALIS lang ni Zayn upang pumasok sa opisina. Kasalukuyang nanunuod silang dalawa ng kanyang anak sa entertainment room ng paboritong palabas ni Zayrene. Nakaupo si Zayrene sa sahig na may mattress na sapin at nakakalat sa tabi nito ang mga laruan habang si Xandria ay nakaupo sa sofa at nakaharap sa kanyang anak. Hands-on pa rin siya sa pag-aalaga kay Zayrene kahit na may kinuha na si Zayn ng yaya para sa anak nila lalo na nga at maselan ang pagbubuntis ngayon ni Xandria. Lagi siyang nakakaramdam nang pagkahilo at nasusuka tuwing umaga, pihikan din siya sa pagkain hindi tulad noon, noong ipinagbubuntis niya si Zayrene. Kahit muntikan nang nawala sa kanya ang anak niya noon, hindi naman siya pinahirapan noon ni Zayrene sa pagbubuntis at paglilihi niya. Marahil dahil alam siguro ng anak ni
