XANDRIA wore a two piece bikini. Nasa itaas pa si Zayn at susunod na lang sa kanila ni Zayrene. Pagkagising ng anak niya ay nagmerienda lang sila pagkatapos ay nagyaya na si Zayrene na magswimming silang dalawa. Hindi pa malaki ang tiyan niya kaya nagagawa pa rin niyang magsuot ng gano'n. Ewan ba niya, pagkakita kanina kay Celine ay nakaramdam siya ng kakaiba kaya sinuot niya ang two piece na dala niya. Balak sana niyang patungan iyon ng chiffon cover up dress pero dahil sa nakita niyang ayos ng dalaga kanina ay nakaramdam siya ng inis at selos. May ilang lalaki nang napapatingin sa kanya. Hindi naman niya iyon pinapansin dahil busy silang dalawa ng anak niya. Iniisip niyang dala marahil ng pagbubuntis kaya siya nakaramdam nang inis sa dalaga. Ayaw naman niyang palakihin ang nararamdaman n
