Mari's POV
Tahimik lamang ako sa buong byahe namin ni Charlie. Nasa labas lamang ang aking tingin dahil maganda rin ang tanawin na dinadaan namin. Medyo gubat at mga malalayong kabahayan ang natatanaw ko sa paligid. Gusto ko sanang tanungin si Charlie kaya lang hindi ko maibuka ang aking bibig para magsalita.
Nakatungkod ang aking kamay, nakangalumbaba sa may bintana. Malakas naman ang hangin, presyo na mula sa mga puno. Hindi rin naman mainit kaya pinabukas ko na lang sa kanya ang bintana. Ngayon na lang din ako nailayo sa may syudad. Talagang kailangan ko ito.
Hininto ni Charlie ang sasakyan. Nauna siyang bumaba kaysa sa akin at umikot para pagbuksan ako. Bumaba ako bago nilibot ang tingin sa buong kabahayan at sakahan. Hinarap ko naman si Charlie na nakatingin sa akin na may ngiti s
