HINDI inaasahan ni Eira na parang welcome party ang naghihintay sa kanya sa kubo ni Tito Ico nang tanghali na iyon na pumunta siya. Natiyak niyang si Manong Samuel ang nagpaalam kay Tito Ico na pupunta siya base sa ngiti ng driver nang makita ang pagkagulat niya. Nadatnan kasi nila ang magkarugtong na mesa na puno ng pagkain. Magkahalo sa mesa ang vegetables, beef and chicken dish, lahat ay si Tito Ico ang naghanda. Prutas at sweets naman ang dessert.
Hindi agad nakapagsalita si Eira, nagulat sa inabutan sa kubo. Mayamaya ay magkasunod na nagpakita sa sala sina Tito Ico at Nerissa, pareho pang naka-apron. Parehong pinagpapawisan pero malapad ang mga ngiti.
"Eira, hija," si Tito Ico na pinagmasdan siya na parang sinisipat kung ano ang nagbago sa kanya.
Si Nerissa naman ay tumili at sinug
