HINDI na mapakali si Eira sa kotse pa lang ni Attorney Virgil matapos matanggap ng abogado ang tawag mula sa farm, na may bisita siya—ang huling tao sa lupa na naisip ni Eira sa tutuntong sa farmhouse.
Si Lessandro Callanta.
Tinawanan lang ni Attorney Virgil ang suggestion niya na huwag na lang muna silang umuwi. Na bumalik na lang sila sa unit nito at doon na siya magpapalipas ng ilang araw. Hindi pumayag ang abogado sa gusto niya. Hindi na raw dapat pinatatagal ang mga bagay na eventually ay mangyayari rin naman. Harapin daw niya si Alex at mag-usap sila. Ituloy kung mayroong dapat ituloy o kaya ay isara ang dapat tapusin para maayos niyang maharap ang isang bagong simula.
Pagkatapos ipaalam ni Attorney Virgil kay Eira ang balita ay hindi na nawala ang kabog sa dibdib niya. Hindi na n
