Hindi makapaniwala si Eira. Tama pala ang kanyang Lola Stef, kailangan siyang protektahan dahil sa kawalan niya ng alam sa tunay na mukha ng mundo. Magandang bahagi lang ang lagi niyang nakikita. Hindi niya nakikita ang dungis sa likod ng magandang mundong alam niya. Tama rin si Attorney H, hindi siya maaring hayaan na lang nitong mag-isa dahil lagi lang siyang masasaktan. Dahil mali pala talaga ang pinaniniwalaan niya—na ang magkakadugo ay magkakakampi. Na ang magkakaibigan ay nananatiling magkakaibigan hanggang sa huli. May magkakadugo pala na balewala lang masaktan ang kapamilya mapagbigyan lang ang sariling kaligayahan, gaya ng mga magulang ni Athan. Nagkulang ang padre de familia, nakatagpo ng ibang lalaki ang ina at sumama sa lalaking iyon nang hindi iniisip ang damdamin ng tatlong a
