KABANATA 77
Alas dos pa lang ng hapon ay umalis na sa opisina niya si Mico, balak niyang kausapin ang kanyang Tita Aiza para sabihin ang magandang balita. Makakapagbakasyon na siya sa Pilipinas!
Sa wakas sa loob ng tatlong taon ay tiniis niyang mag-isa at malayo sa kanyang kapatid. Sa pagkakaalala kay Via ay naalala na naman niya ang masakit na nangyari sa kanilang pamilya noon, tatlong taon na ang nakakalipas. Hanggang ngayon ay mahirap pa rin iyon sa kanya at hindi niya pa rin tanggap ang lahat pero kailangan niyang bumangon at magpakatatag dahil sa kanya iniwan ng kanyang mga magulang ang responsibilidad bilang panganay na anak, kahit pa ang kpalit niyon ay ang pagbitiw niya sa pangako niya sa babaeng minamahal niya.
Pagdating niya bahay ay agad siyang pumasok sa kanya
