-
KABANATA 85
Nanlulumong hinatid niya ng tanaw ang kanyang papalayong kaibigan. Wala namang problema sa kanya kung nagkakagustuhan na ang mga ito dahil deserve din naman ng mga itong maging masaya.
Marahil ay tama ang kaibigan niya, kailangan nga siguro niyang kausapin si Natty pero anong sasabihin niya? Napakadali lang namang magsalita ngunit ang mahirap lang ay wala siyang sapat na lakas ng loob para harapin ang dalaga. Natatakot siya sa puwedeng mangyari at mas lalong hindi siya handa para malaman ang katotohanang hindi na nga siya ang mahal nito.
Marahas siyang nagbuga ng hangin at pagbaling niya ay nagulat pa siya nang makita ang matamang pagtitig ni Via sa kanya.
“Kanin aka pa ba diyan?” tanong niya rito at umupo sa mahabang sofa na naroon, sumunod ito sa kanya.
