26.
--
Nagising ako sa kiliting nararamdaman ko sa leeg ko. Nagmulat ako ng mga mata at nakitang nakangiti si Luhan habang nakatitig sa akin.
"Good morning, Mrs. Sandival," aniya saka ako hinalikan sa labi.
Nang lumayo siya ay agad akong napatakip sa bibig ko. "Luhan, hindi pa ako nakakapag-toothbrush. May morning breath pa ako."
Ngumiti siya sa akin. "Sanay na ako."
Nalukot ang mukha ko na agad namang tinawanan ni Luhan.
"Breakfast is ready, kumain ka na. Sorry, hindi kita masasamahang kumain. Kailangan kong maging maaga sa restaurant ngayon.
"Mm..." ungol ko saka itinaas ang mga kamay ko. Nagpapayakap, naglalambing kay Luhan.
Tumawa siya't lumapit sa akin saka ko ikinapit ang mga braso ko sa batok niya. Ilang sandali pa kaming nagkayakap bago siya bumangon at dahil nakakapit ako
