THIRD PERSON
Masama ang tingin ni Dianne kay Elara nang dumating ito sa Fashion House. Halos magdilim ang paningin niya sa galit habang pinagmamasdan ang babae na tila walang kaalam-alam sa bigat ng damdaming dinadala niya.
Para kay Dianne, si Elara ang ugat ng lahat.
Hindi niya makalimutan kung paano siya nagparaya noon. Pinilit niyang tanggapin na mahal ni Gab si Elara kahit sila na ang magkasama. Sinabi pa niya sa sarili na darating din ang araw na matututunan siyang mahalin ng lalaki.
Pero hindi iyon nangyari.
Sa halip, araw-araw niyang naririnig ang pangalan ni Elara mula sa bibig ni Gab. Parang isang sugat na paulit-ulit na kinukutkot.
“Kung hindi dahil sa’yo, hindi siya mawawala sa’kin.”
Iyon ang mga salitang paulit-ulit na bumabalik sa isipan ni Dianne. Mga salitang parang k
