Bawat umaga ay pumapasok si Jenny sa kwarto ni Gino para gawin ang stretching at massage sa kanang paa nito para magising ang mga ugat nito para sa mas matindi nilang gagawin sa tanghali. Hirap man si Gino ngunit tinitiis niya para lang makalakad. Sa bandang tanghali naman ay ginagamitan ni Jenny ng electrotherapy, ang kuryenteng ginagamit para sa muscles, at sa hapon naman ay tinutulungan niya si Gino na maglakad kahit paisa isa sa pamamagitan ng pinagawa nilang railing sa may likuran ng kanilang bahay.
Kitang kita ni Jenny ang paghihirap ni Gino, bawat pagngiwi niya kapag nakakaramdam siya ng sakit, ang bawat pagpipigil niya sa inis niya kapag natutumba siya at ang bawat patak ng luha at pawis sa lalake.
"Kaunti na lang Gino mailalakad mo na rin ang kanang paa mo. Be patient lang saka
