BAGO magtungo si Emil sa Baguio para sa training niya, umuwi muna siya sa San Felipe para dalawin ang isang mahalagang tao sa buhay niya. Binigyan siya ng hero's welcome ng gobernador nila at ng mga kababayan niya. Naging malaking okasyon iyon kahit aalis din naman siya agad kinabukasan.
Buong maghapon siyang nanatili sa kapitolyo ng bayan nila, kasama ang ilang mga opisyal na malugod ang pagtanggap sa kanya. Pinag-usapan na rin niya ang balak niyang pagpapatayo ng eskuwelahan doon. Malaki na ang kinita niya mula sa mahigit limang taon niya sa professional boxing, kaya oras na para magbigay naman siya sa mga kababayan niya.
"Nasaan si Sava?" tanong niya kay Kenneth pagsakay niya sa sasakyan. Nasa backseat sila no'n. Inutusan niya ang driver niya na magmaneho papunta sa lugar na sinabi ni
