THIRD PERSON'S POV
"SAAN ka tutungo, taksil?" Isang nakakatakot na ngisi ang sumilay sa mga labi ni Azair nang makita ang babaeng nagtaksil sa kanilang kaharian. Kaya pala, wala itong ginawa kundi ang kontrahin ang mga gusto niya. Kaya pala, kung minsan iba na ang mga biro nito sa tuwing gagawa siya ng plano para sa mga kalaban.
Sa kanilang limang magkakasama na pinangkat ng kaniyang inang reyna, si Ellaine ang mas pinagkakatiwalaan niya patungkol sa pagdedesisyon dahil sa ang mga magulang nito ay malakas ang katapatan sa kanilang kaharian. Ngunit sadya ngang hindi iisa ang tumatakbo sa isip kahit pa magkakapamilya. Mayroon pala sa kanila ang traydor. At ito ang babaeng iyon na nasa kaniyang harapan.
"Batid naming hindi basta-basta makakaalis ang gaya ninyo rito. Ang kapangyarihang magl
