Inayos ni Aldrin ang pagkakataklob ng kulay abong sumbrero sa ulo niya at ang pagkakabit ng salamin na walang grado sa mga mata niya. Suot niya ang isang uniporme na may tatak ng isang electrician service company na kulay itim. Talagang napaghandaan ng partner niya ang lahat kaya kailangan matagumpay niya ang nakaatang na misyon niya.
Ang dakpin ng buhay ang kamag-anak niya na siyang makakapagturo kung saan matatagpuan ang pinagkukutaan ng Jack Syndicate.
Nilingon niya ang kinaroroonan ni Eskovar na agad naman tumango sa kanya habang abala ito sa pakikipag-usap sa isang tindahan ilang hakbang lang ang layo mula sa kinaroroonan nya.
Pinuno muna niya ng hangin ang dibdib bago niya kinatok ang pintuan kahoy kung saan nangungupahan ang target nila.
Hindi nagtagal bumukas na yun. "Ikaw ang
