CHAPTER 124
“Yung totoo, Rock. May kinalaman ka ba sa pagtatago sa mga ebidensiya?”
“Wala. Bakit mo naman naisip na may kinalaman ako?”
“Bakit hindi? Kung magsalita ka o magtanong parang alam mo ang lahat.”
“Anong pinagsasabi mong parang alam ko lahat eh sabay nga tayong nanood oh. Nagbe-base lang ako sa pinapanood natin. Hindi ba yang si Alex Roxas at mga kasamahan niyang napatay ay nasabi mo na sa akin na paghihigantian mo? Oh paanong naging sikreto ang lahat ng iyan?”
May punto siya. Tumango ako.
“Nagtataka lang ako Faith na hindi mo isinama sa mga gagantihan mo yung si Miss Reyes at ang gwardiya na nagdiin sa’yo. Hindi ba’t malaki rin ang atraso ng mga ‘yon sa’yo?”
Ngumiti ako. Kumagat ng tinapay. Nginuya ko muna. Humigop ko ang huling lagok sa malamig ko nang kape. “Paano mo na
