Tahimik kong pinunasan ang brasong may naiwang marka dahil sa mahigpit na hawak ni Jerome kanina. Stupid freak. Kung marunong lang akong sumuntok sinuntok ko na rin sana siya. Dinamay niya pa si mama.
"Niara, nandito ka lang pala."
Malamig kong tinignan si Jenneth, Isa pa 'to. Ilang araw ko na rin siyang hindi kinakausap pero hindi siya tumitigil sa paglapit sa'kin. Naupo siya sa tabi ko at nag-aalalang tinignan ang namumula kong braso.
"Si Jerome may gawa niyan, diba? Nando'n ako, kararating ko lang nang nangyari 'yon."
"Anong kailangan mo?"
Napanguso siya.
"Nag-aalala lang naman ako sa'yo, gagong Jerome na 'yon, mga spoiled brats talaga na tulad niya tama lang na masapak."
Napabuntong-hininga ako, nasapak na nga. Si Quin Fidel pa ang sumapak sa kaniya, buti na lang nakaalis agad
