Tuwing gabi ay tanging ilaw lamang ang kayang buhayin ng generator powered electricity ng lugar. Na ang sabi ni Aling Lucia ay mawawala rin pagpatak ng alas onse upang makatipid ng crudo ang lugar.
Malaking tulong na rin naman na magkagalaw sa gabi at makapag handa ng hapunan bago matulog at hintayin na lang na mawala ang ilaw.
Matapos nilang sabay-sabay na kumain ay sandali na usap lang muna. Tanong-tanong tungkol sa estado nilang dalawa ni Bran bago umakyat sa itaas ang mag-asawa para matulog na.
Alas otso pa lang ay mukhang tulog na ang mga tao sa lugar. Ibang-iba sa siyudad na may mga bukas na 24/7. Tuwing gabi nga mas buhay ang mga tao roon. Ibang-iba dahil na rin sa ginaw ng lugar dahil siguro nasa itaas na parte o bundok na.
"Tabi kayo?" pasingit na tanong ni Lala sa kanya.
"Ba
